Ministri i Mbrojtjes, Pirro Vëngu, ka dhënë një deklaratë lidhur me zjarret që kanë shpërthyer në Bashkitë Finiq dhe Delvinë gjatë ditës së sotme. Ai ka theksuar se pasuria kulturore dhe arkeologjike e Parkut Arkeologjik të Finiqit është mbrojtur me sukses dhe e ka cilësuar natën e sotme si një periudhë vigjilence për të siguruar vëmendjen maksimale ndaj vatrave të zjarrit.

Vëngu ka nënvizuar koordinimin e shkëlqyer mes institucioneve dhe ka treguar se të gjithë rrafshin e kodrave ishte i përfshirë nga flakët. Për të përballuar situatën, janë angazhuar 8 mjete zjarrfikëse, 40 efektivë të forcave zjarrfikëse, dhe 65 forca të armatosura. Po ashtu, ka pasur angazhim për fikjen e zjarrit nga ajri, që ndihmoi në izolimin e vatrave dhe minimizimin e forcës së flakëve.

Prefekti i Vlorës ka konfirmuar se Bashkia e Finiqit ka reaguar menjëherë ndaj situatës. Ai theksoi se zjarri u përhap në mënyrë të shpejtë, por që fatmirësisht nuk ka pasur dëme në banesa dhe njerëz.