Modelja Oriola Marashi ka kërkuar publikisht lirimin e Noizyt dhe DJ Crax, të cilët u arrestuan së fundmi në Shëngjin për një incident në Pejë. Të dy pritet të ekstradohen në Kosovë, ndërkohë që një fushatë mbështetjeje për ta është duke u zhvilluar nga miq dhe kolegë.

Në një reagim të fundit, Oriola Marashi ka bërë thirrje për veprim dhe ka theksuar rëndësinë e ngritjes kundër padrejtësive. Ajo është shprehur: “Jetojmë në një periudhë ku ndjehemi të pafuqishëm përballë padrejtësive, por nuk duhet të ketë kurrë një kohë që ne mos ta bërtasim apo të mos protestojmë kundrejt këtyre fenomeneve që janë për të ardhur keq. Të lirohen djemtë e mi.”

Për sa i përket çështjes, Policia e Kosovës ka shpallur në kërkim edhe reperin Stresi.