Një aksident i rëndë është regjistruar në fshatin Pirg të bashkisë Maliq, ku një 59-vjeçar ka pësuar lëndime të rënda gjatë prerjes së drurëve. I dëmtuari ishte në shoqërinë e djalit të tij kur, gjatë prerjes së pemëve, një dru i është kthyer mbrapsht nga sharra dhe e ka goditur në pjesën e barkut, duke i shkaktuar hemorragji të brendshme.

59-vjeçari ndodhet në reanimacionin e Spitalit të Korçës dhe po iu nënshtrua operacioneve për të shpëtuar jetën. Policia ka nisur hetimet për të përcaktuar rrethanat e këtij aksidenti të rëndë.