Një zjarr i përmasave të mëdha ka shpërthyer në Mërtiraj, Gorrisht të Vlorës gjatë natës. Flakët janë përhapur shumë shpejt, duke djegur sipërfaqe me pemëtari dhe bimësi, të nxitura nga era e fortë.
Zjarrfikësit e Selenicës kanë hasur vështirësi në ndërhyrje për shkak të terrenit të vështirë.
Për të ndihmuar në shuarjen e zjarrit, janë angazhuar 6 automjete zjarrfikëse nga Vlora dhe Fieri. Aktualisht, raportohet se rreth 3 mijë rrënjë ulliri janë djegur. Situata mbetet e ndërlikuar dhe punët për shuarjen e zjarrit vazhdojnë.
