Një tërmet i fuqishëm me magnitudë 4.6 ka goditur Kroacinë mëngjesin e së martës, duke shkaktuar shqetësim në popullatë. Sipas raportimeve të mediave lokale, tërmeti ndodhi rreth orës 08:43 dhe lëkundjet e tij u ndjenë edhe në vendet fqinje, si Sllovenia dhe Hungaria.

Raportet fillestare tregojnë se, fatmirësisht, nuk ka pasur persona të lënduar si pasojë e tërmetit. Megjithatë, dëmet materiale janë vlerësuar si të konsiderueshme. Autoritetet po vazhdojnë vlerësimin e situatës në terren për të përcaktuar shkallën e plotë të dëmeve.