Një 55-vjeçar nga fshati Lapulec, Mallakastër, ka ndërruar jetë rrugës për në spitalin Rajonal të Fierit, dyshohet si pasojë e një arresti kardiak. Sipas njoftimit të policisë, shtetasi K. Y. mbërriti pa shenja jete në spital, dhe dyshohet se ka humbur jetën gjatë transportit.

Në një ngjarje tjetër në Lushnjë, një 76-vjeçare me probleme të shëndetit mendor, e identifikuar si I. D., është paraqitur në spital pasi dyshohet se ka dëmtuar veten me mjet prerës (thikë). Fatmirësisht, ajo është jashtë rrezikut për jetën dhe ndodhet nën kujdesin e mjekëve.

Aktualisht, grupet hetimore janë duke punuar për të dokumentuar dhe sqaruar rrethanat e këtyre rasteve, duke mbledhur prova ligjore për të zbardhur plotësisht situatat.