Paris Hilton ka pasur një ditë të mbushur me ndodhi të papritur në qendër të Los Anxhelosit, ku po filmonte një video muzikore për këngën e saj të re “Bad Bitch Academy”. Ndërkohë që Hilton ishte në shesh xhirimi, kamperi i saj i lëvizshëm shpërtheu në flakë. Fatmirësisht, Hilton nuk u lëndua nga incidenti.

Sipas TMZ, kamperi i djegur ishte përdorur si dhoma e zhveshjes për Hilton dhe përmbante një sasi të madhe gjërash personale. Raportohet se zjarri shkatërroi gjithçka që ndodhej në të, përfshirë rroba firme, aksesorë, syze dielli, çanta, bizhuteri, kompjuterë dhe sende të tjera të rëndësishme.

TMZ gjithashtu njofton se në xhirime mund të ketë qenë edhe Heidi Klum, e cila do të ishte e ftuar në klipin e Paris Hilton. Pas incidentit, Paris Hilton ndau një foto të kamperit të djegur në Instagram dhe falënderoi ata që ishin aty për ta ndihmuar dhe mbështetur në këtë situatë të vështirë.