Presidenti i Shqipërisë, Bajram Begaj, ka shprehur sot ngushëllimet e tij për ndarjen nga jeta të gazetares së njohur, Vera Zheji, e cila u nda nga jeta në moshën 91-vjeçare më 17 gusht. Përmes një postimi në rrjetet sociale, Presidenti Begaj e cilësoi Zhejin si një “zonjë e madhe” e mikrofonit dhe e skenës, duke nënvizuar kontributin e saj të rëndësishëm në mediat shqiptare.

Vera Zheji ishte një zë ikonë i Radio Tiranës dhe ka lënë një gjurmë të pashlyeshme në fushën e gazetarisë shqiptare. Me vdekjen e saj, Shqipëria humbi një prej figurave më të respektuara dhe të dashura të mediave të saj.

Një grua që pothuajse është e vështirë që të ketë të ngjashme në cilësinë e gazetares, spikeres dhe gruas me mendje të lirë. Spikere, gazetare, aktore dhe pedagoge e Fjalës Artistike në Institutin e Lartë të Arteve, Vera Zheji do të kujtohet me nderim si “zonja e madhe” e mikrofonit dhe skenës”, shkruan Begaj.