Këngëtari i njohur Blero Muharremi ka bërë një apel publik për rikthim me ish-partneren e tij misterioze, të cilën e quan “beba jem”. Në një mesazh të shpërndarë në rrjetet sociale, Blero shpreh dëshirën e tij të fortë për të riformuar lidhjen me të dhe tregon se nuk është në gjendje të gjejë qetësi pas ndarjes.

“sPo më hahet buka prej kur ti ke ikur, më ka marrë marri të kem prapë timen,” shkruan Blero, duke shtuar se ajo është dashuria e jetës së tij. Ai pranon se të dy kanë kontribuar në përfundimin e marrëdhënies, por thekson se ish-e dashura e tij ka pasur një rol më të madh në ndarje.

Blero ka shprehur gjithashtu se ndjen mungesën e saj vazhdimisht dhe se ka dështuar të gjejë motivim pa praninë e saj. Ai i bën thirrje asaj që të rikthehen së bashku, edhe pse është i vetëdijshëm për përgjigjen që mund të marrë.

“Spo me hahet buka prej qe ti ke ik, nuk po kam gjume duke te par nat per nat ne endrra te mija, nuk po shof motiv pa ty Aq shume me ka marr malli te te kam prape timen Je dashuria e jetes sime.. askend skam desht si ty dhe krejt edin cka kam ba une per ty Te kerkoj edhe njeher publikisht RIKTHIM BEBA JEM edhe pse edi pergjigjen tende.. Te dyt jemi fajtor dhe ti e para! Mos harro..”, shkruan Blero.

Në një intervistë të mëparshme, Blero ka zbuluar se një udhëtim i paautorizuar i ish-partneres ka qenë shkaku kryesor i ndarjes së tyre. Sipas këngëtarit, ndryshimet në mendime dhe drejtime në jetë ishin gjithashtu faktorë të rëndësishëm.

Për sa i përket podcastit me ish-partneren e tij, Afrona Dika, Blero ka thënë se ky projekt ishte bërë për të krijuar një efekt xhelozie për ish-partneren tjetër. Në një bisedë me Elita Rudin, ai ka konfirmuar se podcasti ishte një strategji për të nxitur reagime dhe ndjenja te ish-partnerja.