Mesditën e sotme, Lorenc Kosta, 45 vjeç, ka mbetur i plagosur me armë zjarri në zonën e Komunës së Parisit në Tiranë, pranë kompleksit “Kika 2”. Ngjarja ka ndodhur rreth orës 14:07, dhe autori i dyshuar është Erjon Goxhara, një efektiv policie. Sipas informacioneve të para, incidenti ka ndodhur pas një konflikti të dyshuar për ngacmimin e partneres së policit nga 45-vjeçari.
Policia ka bërë të ditur se Kosta është transportuar menjëherë në spital dhe ndodhet nën kujdesin e mjekëve. Grupi hetimor ndodhet në vendngjarje dhe po punon për kapjen e autorit të dyshuar dhe për sqarimin e rrethanave të plota të ngjarjes. Incidenti ka shkaktuar tronditje në zonë
