Banorët e zonës së Thumanë-Kasharit kanë zhvilluar sot një tjetër protestë për shkak të pakënaqësive që kanë me projektin e rrugës së re. Protesta u përshkallëzua në përplasje me forcat e policisë, të cilat kishin bllokuar rrugën për të mos lejuar protestuesit të hyjnë në autostradë.

Policia arriti të hapë një pjesë të rrugës për qarkullim, por tensionet mes banorëve dhe forcave të rendit mbetën të larta. Banorët e Krujës dhe Fushë-Krujës kanë zhvilluar disa protesta të ngjashme në të kaluarën, duke kërkuar hyrje dhe dalje të reja për shtëpitë dhe bizneset e tyre, pasi rruga e re nuk është e aksesueshme për ta.