Sipas informacioneve paraprake, 72-vjeçari Faik Hajdini, i cili u gjet i vdekur në një përrua në fshatin Zhapokikë në Memaliaj, është vrarë. Hetimet fillestare kanë zbuluar se Hajdini ka marrë dy goditje fatale në qafë dhe në kokë, me mjete prerëse si sëpatë dhe thikë. Plaga në qafë ka shkaktuar hemoragji të rëndë, që ka çuar në vdekjen e tij.

Terreni i vështirë në vendin e ngjarjes, ku trupi i të ndjerit u gjet ende i palëvizur, ka bërë që specialistët e grupit hetimor të jenë në vendngjarje për të përcaktuar shkakun dhe rrethanat e vrasjes. Sipas pistës fillestare, Hajdini është qëlluar për vdekje dhe për të fshehur gjurmët, vrasësi ka hedhur trupin e tij në një humnerë.

Alarmi për humbjen e Hajdinit u dha nga familjarët e tij, të cilët kishin humbur kontaktet me të prej 48 orësh. Hetimet vazhdojnë për të zbardhur plotësisht këtë ngjarje tragjike.