Në mëngjesin e kësaj të hëne, **Frederik Radi**, 68 vjeç, është gjetur i vrarë në dhomën e tij të gjumit në fshatin Orosh të Mirditës. E bija e tij e ka gjetur trupin e pajetë pas mospërgjigjes së tij në telefon. Sipas dyshimeve të para, ai është qëlluar me armë nga dritarja e banesës, dhe ngjarja dyshohet të ketë ndodhur mbrëmjen e së dielës.

Gazetarja **Dorjana Bezat** ka zbuluar se vrasja mund të lidhet me një konflikt të mëparshëm për kullotat në fshat. Katër vite më parë, Frederik Radi ishte kërcënuar nga disa banorë të fshatit për shkak të mosmarrëveshjeve lidhur me kullotat, por ajo ngjarje nuk u denoncua dhe çështja u mbyll ndërmjet palëve.

Hetimet për këtë ngjarje janë duke vazhduar dhe policia po përpiqet të zbardhë të gjitha rrethanat e vrasjes.