Një 23-vjeçar është arrestuar këtë të martë në Sarandë, pasi ditën e djeshme ishte përfshirë në një aksident në të cilin mbeti e lënduar një vajzë 7-vjeçare. Ngjarja ka ndodhur në rrugën “Sarandë-Skërficë”, dhe e mitura është dërguar në Spitalin e Traumës për ndihmë mjekësore të specializuar.

Sipas njoftimit të Policisë, 23-vjeçari, i cili është banues në Pukë, po drejtonte një automjet të markës “Audi”. Ai dyshohet se ka humbur kontrollin mbi makinën e tij dhe është përplasur me një automjet tjetër, tip “Citroen”, i drejtuar nga një 37-vjeçar banues në Dibër. Si pasojë e aksidentit, pasagjerja në automjetin “Citroen”, shtetasja e mitur 7-vjeçare, ka pësuar dëmtime dhe është dërguar në spital për trajtim të mëtejshëm.

Policia ka arrestuar 23-vjeçarin dhe po vijon hetimet për të zbardhur plotësisht rrethanat e aksidentit.