Administrata e Joe Biden ka filluar të përgatitet për forcimin e forcave bërthamore amerikane, një hap që dukej i paimagjinueshëm deri vonë, sipas një artikulli të publikuar nga “The Economist”. Ndërtimi i kapaciteteve të reja bërthamore mund të nisë në vitin 2026, kur do të skadojë marrëveshja ekzistuese midis SHBA-së dhe Rusisë që kufizon arsenalet bërthamore të dy vendeve më të fuqishme në këtë fushë. Një zyrtar i lartë ushtarak amerikan i tha “The Economist” se nëse presidenti vendos që të rrisë sasinë e forcave të dislokuara pas skadimit të marrëveshjes së re START në shkurt 2026, ata duan të jenë në gjendje ta bëjnë këtë relativisht shpejt.
Nga ana tjetër, Fushata Ndërkombëtare për Shfuqizimin e Armëve Bërthamore (ICAN), fituese e Çmimit Nobel për Paqen në vitin 2017, ka paralajmëruar për një rritje të konsiderueshme të investimeve në arsenalin bërthamor në pesë vitet e fundit. Investimet janë rritur me një e treta, me rritjen më të madhe në SHBA. Viti i kaluar ka shënuar një rekord, me 91.4 miliardë dollarë të shpenzuara nga fuqitë bërthamore, më shumë se gjysma e të cilave janë shpenzuar nga SHBA.
Pentagoni po përpunon skenarë për disa situata të mundshme që përfshijnë ndihmën e mundshme për një anëtar të NATO-s që mund të sulmohet nga Rusia, një sulm të mundshëm nga Kina në Tajvan dhe një sulm të Koreas së Veriut në Jug. Të dhënat tregojnë se SHBA-ja po investon pesë herë më shumë në arsenalin e saj bërthamor sesa Rusia dhe Kina. Ndërkohë, qeveria civile është e përmbajtur publikisht dhe shpreson për marrëveshje të reja për kufizimin e armëve bërthamore, pa marrë ende një vendim të zyrtarizuar për rritjen e arsenalit.
Shtetet me armë bërthamore janë rritur në mënyrë të konsiderueshme, me një investim të përgjithshëm prej 91.4 miliardë dollarësh në vitin 2023, 10.7 miliardë më shumë se në vitin 2022. SHBA-ja ka shpenzuar më shumë se çdo vend tjetër, me rreth 51.5 miliardë dollarë, ndjekur nga Kina me 11.8 miliardë dollarë dhe Rusia me 8.3 miliardë dollarë. Të tjera shtete me armë bërthamore përfshijnë Britaninë e Madhe, Francën, Indinë, Izraelin, Koreën e Veriut dhe Pakistanin.
