Një aksident i ndodhur mëngjesin e djeshëm ka rezultuar fatal për një të ri 18-vjeçar. Policia njofton se rreth orëve të para të datës 22 gusht 2024, në autostradën Tiranë-Durrës, shtetasi A.T., duke drejtuar një automjet tip “Volkswagen,” ka humbur kontrollin e mjetit, duke bërë që automjeti të dalë nga rruga dhe të përfundojë në kanal.

Pas aksidentit, drejtuesi i mjetit u dërgua menjëherë në spital për të marrë ndihmë mjekësore. Fatkeqësisht, pavarësisht përpjekjeve të mjekëve, ai ka ndërruar jetë ditën e sotme si pasojë e dëmtimeve të rënda që kishte pësuar.

Materialet lidhur me këtë ngjarje të rëndë janë kaluar Prokurorisë për hetime të mëtejshme.