Një aksident tragjik ka ndodhur në provincën e Barit, ku ka humbur jetën një 32-vjeçar shqiptar. Ngjarja ka ndodhur në një fshat të Pulias, ku viktima, identifikuar si Klevis Bardo, ishte duke punuar me një traktor. Sipas raportimeve, mjeti bujqësor ka humbur kontrollin dhe është përplasur me një mur guri.
Përplasja ishte aq e fortë sa që 32-vjeçari ka gjetur vdekjen e menjëhershme. Klevis Bardo kishte shkuar në Itali me shpresën për një jetë më të mirë dhe jetonte në qytetin Conversano. Ai ishte punësuar nga një kompani bujqësore me qendër në Rutigliano, një qytet i vogël në provincën e Barit.
