Një 50-vjeçar nga Lushnja ka paraqitur një kallëzim në Polici duke raportuar se ka humbur kontaktet me të birin prej një jave. Shtetasi L. Ç., 50 vjeç, i cili banon në Lushnjë, ka deklaruar se nuk ka pasur asnjë komunikim me djalin e tij, K. Ç., 24 vjeç, që jeton prej dy muajsh në zonën kufitare midis Gjermanisë dhe Zvicrës.
Njoftimi i Policisë
Më 25 gusht 2024, në Komisariatin e Policisë Lushnjë është paraqitur shtetasi L. Ç., i cili ka raportuar se nuk ka arritur të kontaktojë djalin e tij, K. Ç. Policia ka filluar punën për të gjetur të riun dhe është duke bashkëpunuar me autoritetet përkatëse në zonën kufitare midis Gjermanisë dhe Zvicrës.
Po punohet për gjetjen e 24-vjeçarit dhe për sqarimin e rrethanave që mund të kenë çuar në humbjen e kontaktit.
