Me fundin e gushtit dhe rënien e numrit të emigrantëve dhe turistëve, tregu i këmbimit valutor vazhdon të jetë i ndikuar nga efektet sezonale. Euro ka arritur në nivelin më të ulët historik, duke u zhvlerësuar me rreth 9.5 pikë në krahasim me të njëjtën periudhë të vitit të kaluar. Rënia është edhe më e theksuar kur krahasohet me vitet 2018, 2019 dhe 2020.
Dritan Vakaj, kreu i Shoqatës së Këmbimit Valutor, shpjegon për A2 CNN se “Pas mesit të gushtit dhe më shumë tani që po shkojmë drejt fundit të muajit, ka një rënie të ofertës së euros, por koha e ngrohtë e ka zgjatur sezonin që mund të vazhdojë deri në tetor.”
Nga çdo dy vite, cikli i ndryshimeve në tregun valutor është përsëritur në mënyrë të rregullt, por tani duket se normaliteti i ri në treg është duke zgjatur më shumë se zakonisht. Sa i përket parashikimeve për të ardhmen, Vakaj thotë: “Nuk presim ndryshime shumë të mëdha. Euro mund të ketë një rritje fare të pakonsiderueshme në vijim.”
