Situata në fshatin Lajthizë të Mirditës është bërë më alarmante pasi zjarri është përkeqësuar dhe është përhapur në të gjithë territorin e zonës. Një qytetar ka denoncuar në numrin e “Ti Raporton” në Top Channel se flakët po rrezikojnë seriozisht jetën e banorëve dhe kërkon ndihmë urgjente.

“Ju lutem bëni diçka se zjarri në fshatin Lajthizë të Mirditës po djeg të gjithë vendin dhe ata pak njerëz që jetojnë aty janë në mëshirë të Zotit,” shkruan qytetari në denoncimin e tij.

Vatra e zjarrit është shumë pranë shtëpive të banorëve, duke rrezikuar jo vetëm jetën e tyre, por edhe të mbjellat e tyre. Zjarrfikësit janë duke u munduar të shuajnë flakët, me ndihmën e banorëve të zonës. Situata është e ndërlikuar dhe kërkon ndërhyrje të menjëhershme për të parandaluar përhapjen e mëtejshme të zjarrit dhe për të mbrojtur jetën dhe pasuritë e banorëve.