Një aksident ka ndodhur mëngjesin e sotëm në autostradën Levan-Vlorë, ku dy automjete janë përplasur me njëra-tjetrën. Përplasja ka qenë e fortë, duke shkaktuar dëme të konsiderueshme materiale në të dyja mjetet.
Sipas informacioneve paraprake, nuk raportohet për të lënduar. Në vendngjarje kanë mbërritur forcat e policisë dhe grupi hetimor, të cilët po punojnë për të zbardhur shkaqet e këtij aksidenti, që fatmirësisht nuk ka rezultuar me pasoja për njerëzit.
