Dy shqiptarë, të moshave 39 dhe 43 vjeç, janë arrestuar nga karabinierët e Bolonjës në Itali, si pjesë e një grupi të shpërndarjes së lëndëve narkotike në qytet. Sipas mediave italiane, operacioni u zhvillua në fillim të kësaj jave.

Autoritetet italiane fillimisht vunë re lëvizjet e dyshimta të 39-vjeçarit, i cili hyri në një banesë, ndërsa shoku i tij, që po dilte nga banesa, la derën hapur dhe po kryente mbikëqyrjen e zonës.

Gjatë ndërhyrjes së policisë dhe kontrollit të ambienteve, u gjetën 23 gramë kokainë, 720 euro cash, si dhe material i përdorur për paketimin e drogës. Të dy shqiptarët u arrestuan dhe pritet të përballen me akuzat për shpërndarje të lëndëve narkotike.