Pas rreth 16 muajsh në burg, Fredi Beleri është liruar nga qelia! Gjykata e Fierit miratoi kërkesën e avokatit të tij për lirimin me kusht, pas tri seancash të dështuara ku Beleri kërkonte të lirohej me argumentin se kishte përmbushur dy të tretat (2/3) e dënimit të tij. Vendimi për lirimin e tij u mor nga gjyqtari Alfred Konomi, i cili shqyrtoi provat e paraqitura.

Avokati i Belerit, Genci Gjyzari, përgëzoi gjykatën për vendimin e marrë dhe nuk kurseu ironinë ndaj Kryeministrit Edi Rama. “Pronari që i ka çelësat e burgut dha leje pas zgjedhjeve që të dalë,” tha Gjyzari, duke sugjeruar se lirimi i Belerit ishte i lidhur me zgjedhjet e fundit.

Ndërkohë, sapo doli nga burgu i Fierit, Fredi Beleri deklaroi se zgjedhjet e mbajtura më 4 gusht në Himarë ishin të paligjshme dhe shpalli se do të kandidojë përsëri nëse gjen drejtësi në Gjykatën Evropiane të të Drejtave të Njeriut në Strasburg. “Unë jam fitues i zgjedhjeve në Himarë, zgjedhjet që u mbajtën janë të paligjshme. Do ngre zërin në Parlamentin Evropian për padrejtësitë që bëhen në Shqipëri. Dekreti i Begajt është i paligjshëm, shteti intimidoi votuesit,” tha Beleri. Ai gjithashtu përmendi se do të qëndrojë në Athinë dhe Bruksel për të kërkuar drejtësi ndërkombëtare.

Fredi Beleri, ish-kandidati i koalicionit “Bashkë Fitojmë”, u arrestua dy ditë para zgjedhjeve lokale të 14 majit 2023, pasi u kap në flagrancë duke blerë vota. Ai u shpall fajtor nga Gjykata e Posaçme dhe dënimi me dy vite burg u konfirmua edhe në Apel. Edhe pse në qeli, Beleri fitoi zgjedhjet në Himarë, por Komisioni Qendror i Zgjedhjeve e shpalli mandatin e tij të pavlefshëm, duke e pamundësuar betimin si kryebashkiak.

Gjatë kohës që ishte në burg, Beleri mori mbështetje të fortë nga Athina zyrtare. Në qershor të këtij viti, ai u zgjodh eurodeputet nën siglën e “Demokracia e Re” të kryeministrit grek Kyriakos Mitsotakis dhe u betua në Parlamentin Evropian në Strasburg me lejen e autoriteteve shqiptare. Më 4 gusht, u zhv