Një 36-vjeçar shqiptar është arrestuar në Greqi me akuzën e dhunës ndaj gruas dhe dy fëmijëve të mitur. Ngjarja e rëndë ka ndodhur mbrëmjen e 26 gushtit në Nice. Sipas raportimeve, burri, i cili kishte ardhur nga puna në gjendje të dehur, ka filluar të shajë dhe kërcënojë bashkëshorten dhe fëmijët.
Burime nga Protothema raportojnë se i akuzuari ka dhunuar gruan e tij para fëmijëve dhe ka goditur vajzën me grusht në pjesën e pasme të kokës. Bashkëshortja e tij ka rrëfyer se, një natë para këtij incidenti, ishte dhunuar dhe përdhunuar nga i akuzuari.
Autoritetet greke kanë urdhëruar kryerjen e ekspertizës mjeko-ligjore për të verifikuar lëndimet e bashkëshortes dhe fëmijëve.
