Ministri italian i Kulturës, Gennaro Sangiuliano, ka dhënë dorëheqje pas shpërndarjes publike të skandalit lidhur me lidhjen e tij jashtëmartesore me influenceren Maria Rosaria Boccia. Sangiuliano kishte propozuar Boccia si këshilltare të lartë, por ajo nuk u emërua për shkak të zbulimit të lidhjes së tyre.

Në përpjekje për të qetësuar situatën, Sangiuliano i kërkoi falje kryeministres Giorgia Meloni dhe bashkëshortes së tij. Ai theksoi se për këtë aferë nuk janë shpenzuar para të tatimpaguesve italianë dhe nuk ka qarkulluar asnjë dokument konfidencial ose i klasifikuar për aktivitete të ndjeshme. Ministri 61-vjeçar pretendoi se ka prova për të mbështetur këto deklarata.

Në letrën e dorëheqjes së tij drejtuar kryeministres Meloni, Sangiuliano shprehu mirënjohje për mbrojtjen e saj dhe shpjegoi se vendimi për dorëheqje ishte rezultat i një periudhe të gjatë dhe të dhimbshme për shkak të presionit mediatik dhe politik.

“I nderuar President, e dashur Giorgia. Pas një dite të dhimbshme dhe plot urrejtje ndaj meje nga një sistem i caktuar politik mediatik, kam vendosur të jap dorëheqjen e parevokueshme nga posti i Ministres së Kulturës,” shkruante Sangiuliano në letër.