Arjon Kajoshi, një 27-vjeçar nga Shkodra, ka shpëtuar një atentat të mundshëm sot në lagjen Partizani, Shkodër. Kajoshi, i cili po drejtonte një automjet Range Rover në pronësi të babait të tij, Sokol Kajoshi, u qëllua me katër plumba në pjesën e pasme të makinës.
Pas të shtënave, Arjon Kajoshi doli nga automjeti dhe arriti të largohej nga vendngjarja duke vrapuar. Policia e Shkodrës ka nisur hetimet për të zbardhur ngjarjen dhe dyshon se tentativa për vrasje mund të jetë e lidhur me një incident të mëparshëm në qershor të këtij viti. Në atë ngjarje, Arjon Kajoshi ishte i përfshirë në një rrahje me Vladimir Bruçin dhe katër persona të tjerë.
Kajoshi është gjithashtu një kampion boksi profesionist me 14 ndeshje të fituara. Policia, pas reagimit të shpejtë në vendngjarje, ka identifikuar dhe shpallur në kërkim autorin e dyshuar të sulmit, shtetasin A. B. Shërbimet e policisë po kryejnë kontrolle të intensifikuara në terren dhe në ambiente të ndryshme për të kapur autorin.
Në lidhje me informacionin e dhënë më parë, është sqaruar se A. B. nuk është në kërkim për ngjarjen e ndodhur më 3 qershor 2024, dhe ka dhënë një deklaratë në lidhje me konfliktin. Pas konsultimit me Prokurorin, A. B. është proceduar penalisht dhe është në gjendje të lirë. Grupi hetimor, nën drejtimin e Prokurorisë së Shkodrës, po vazhdon punën për të zbardhur dhe dokumentuar plotësisht këtë rast.
“Falë reagimit në kohë dhe veprimeve të shpejta hetimore e profesionale në vendngjarje, Policia identifikon dhe shpall në kërkim autorin e dyshuar që qëlloi me armë drejt një automjeti që drejtohej nga shtetasi A.K, (djali i pronarit të automjetit). Vijojnë kontrollet në terren dhe ambiente të ndryshme për kapjen e autorit.
Në lidhje me informacionin e dhënë më parë, se në lagjen “Partizani” u qëllua me armë zjarri në drejtim të automjetit “Land Rover” në pronësi të shtetasit S.K., të cilin e drejtonte djali i tij shtetasi A.K, ju bëjmë me dije se: Falë reagimit në kohë e veprimeve profesionale në vendngjarje është bërë identifikimi i autorit dhe shpallja në kërkim e tij, konkretisht shtetasit A. B.
Shërbimet e Policisë po ushtrojnë kontrolle në terren dhe ambiente të ndryshme për të bërë të mundur kapjen e autorit. Nga veprimet e para në vendngjarje dyshohet se ngjarja ka ndodhur për shkak të konflikteve të mëparshme. Sqarojmë se shtetasi A.B nuk është në kërkim nga Policia për konfliktin e ndodhur më datën 3 qershor 2024.
Shtetasi A.B, pas kërkimit policor është kapur nga Policia dhe ka dhënë deklarim në lidhje me konfliktin e ndodhur. Pas konsultimit me Prokurorin, ky shtetas është proceduar penalisht dhe ndiqej në gjendje të lirë. Grupi hetimor në drejtimin e Prokurorisë së Shkodrës, po vijon punën për zbardhjen dhe dokumentimin e plotë ligjor të këtij rasti”, njofton policia.
