Një shqiptar, Samir Haxhiaj, është dënuar me 34 muaj burg në Angli, pasi u kap duke punuar në një fermë kanabisi në Oakley. Gjatë bastisjes së policisë, Haxhiaj u përpoq të arratisej me vrap nga shtëpia, por u kap brenda pak minutash nga autoritetet.

I arrestuari, banues në Larch Close, Londër, u shpall fajtor për dy akuza dhe u dënua për drejtimin e fermës. Gjatë gjykimit, Haxhiaj pretendoi se ishte trafikuar nga Londra dhe se ishte dërguar në vendin ku u kap kundër vullnetit të tij, por ky pretendim u refuzua nga juria.

Hetimet zbuluan se ai kishte drejtuar fermën e kanabisit për tre muaj, me një shkallë të lartë profesionalizmi. Gjykata u informua se droga e prodhuar në fermë kishte një vlerë të mundshme në treg prej 137,000 £.