Fushata e zëvendëspresidentes amerikane, Kamala Harris, ka publikuar një reklamë të re, ku Harris ndan një mesazh të fortë për publikun. Në këtë reklamë, Harris përmend fillimin e karrierës së saj si prokurore dhe thekson se kishte vetëm një klient, duke i bërë jehonë angazhimit të saj për drejtësinë dhe përkushtimin ndaj interesave të popullit amerikan.
“Si prokurore, nuk kam pyetur kurrë një viktimë apo dëshmitar nëse ishin republikanë apo demokratë. Donald Trump kujdeset vetëm për veten e tij. Është koha për të kthyer faqen,” thotë Harris në reklamën e saj, duke i bërë thirrje publikut të besojë në përkushtimin e saj ndaj shërbimit publik dhe të drejtat e njerëzve. Në këtë kontekst, ajo nënvizon se përkushtimi i saj është për popullin amerikan dhe se nuk e vendos kurrë veten në radhë të parë.
