Policia italiane ka arrestuar një 21-vjeçar shqiptar pa leje qëndrimi, nën akuzën për trafikimin e drogës. Riu, i cili përpiqej t’i shmangej kontrollit teksa udhëtonte me makinën e tij, u ndalua menjëherë pas ndërhyrjes së oficerëve.

Gjatë kontrollit, policia gjeti 46 doza kokainë, me një peshë totale prej 35 gramësh, të fshehura në një qese të vogël nën sediljen e shoferit. Pas përfundimit të hetimeve, gjyqtari hetues i Gjykatës së Spoletos konfirmoi arrestimin dhe urdhëroi dëbimin e menjëhershëm të tij nga territori italian.

21-vjeçari u riatdhesua më pas me transport ajror në Shqipëri.