Moderatorja Kiara Tito ka njoftuar një sezon të ri në “Portokallinë,” spektaklin e humorit në Top Channel, dhe ka vendosur të angazhojë ndjekësit e saj përmes një sesi pyetje-përgjigje. Një prej komenteve u fokusua në dukjen e saj në promo, duke e cilësuar si “të shëndoshë.”

Në përgjigje, Kiara shprehu se mund të kishte zgjedhur veshje për të kamufluar kilogramët e shtuar pas lindjes, por theksoi rëndësinë e pranimit të vetes ashtu siç jemi. “Pse të kamuflohem? A nuk duhet ta pranojmë veten si jemi? Kjo është shumë normale dhe as nuk më sikletos fare,” tha ajo.

Kiara, e cila ka sjellë në jetë një princeshë katër muaj më parë, theksoi se shëndeti është më i rëndësishëm se sa kilogramët e shtuar. “Trupi do pak kohë për t’u rikthyer në formën siç ishte më parë. Deri atëherë, të kemi shëndetin, sepse çdo gjë tjetër rregullohet,” përfundoi ajo, duke shprehur se është e kënaqur me trupin e saj aktual.