Një aksident ka ndodhur në aksin rrugor Korçë-Maliq, pranë kryqëzimit të fshatit Biranj, ku një mjet tip “Mercedes-Benz” ka përplasur një këmbësore.

Sipas policisë, mjeti që po lëvizte nga Korça drejt Maliqit ka humbur kontrollin, duke shkaktuar përplasjen. Burime nga vendi i ngjarjes raportojnë se këmbësorja ndodhej afër stacionit të udhëtarëve të fshatit Biranj. Ajo është dërguar menjëherë në spitalin rajonal të Korçës, ku gjendja e saj është jashtë rrezikut për jetën.

Policia ka shoqëruar drejtuesin e mjetit në komisariat për të sqaruar rrethanat e aksidentit.