Një adoleshent ka humbur jetën pas një sulmi me thikë në zonën e Woolwich, Londër, rreth orës 18:35. Një dëshmitar okular ka dëgjuar të miturin duke bërtitur “Mos më lër të vdes!”, ndërsa ai qëndronte i shtrirë në tokë. Shkaqet e ngjarjes mbeten të paqarta.

Statistikat tregojnë se numri i sulmeve me thikë është rritur me 4% krahasuar me vitin e kaluar. Përballë kësaj krize, nga nesër do të hyjë në fuqi një ligj që ndalon mbajtjen e armëve të ftohta, si thikat dhe hanxharët. Ligji do të zbatojë amnisti për ata që dorëzojnë këto armë dhe do të ketë edhe dëmshpërblim. Ndalimi përfshin thikat me teh më të gjatë se 20 cm dhe ato me teh të dhëmbëzuar.

Në fillim të muajit, kryeministri britanik Keir Starmer prezantoi një iniciativë për të ndaluar përfshirjen e të rinjve në krime me thikë, një problem që ai e cilësoi si krizë kombëtare.