Një aksident ka ndodhur në orët e para të mëngjesit në Dibër, ku një 33-vjeçar me inicialet A.T. ka humbur kontrollin e automjetit dhe është përplasur me një pemë. Sipas Policisë, shoferi ishte nën efektin e alkoolit gjatë kohës së aksidentit.

Dy pasagjerët e pranishëm në automjet janë lënduar dhe aktualisht po marrin trajtim mjekësor në Spitalin Rajonal të Peshkopisë. Policia ka arrestuar shoferin dhe ka referuar materialet e rastit në Prokurori për veprime të mëtejshme.