Një automjet tip Benz është përfshirë nga flakët gjatë qarkullimit në aksin rrugor Goricë – Korçë. Sipas informacioneve paraprake, ngjarja ka ndodhur si pasojë e një defekti teknik në automjet, i cili më pas ka shpërthyer në flakë. Fatmirësisht, drejtuesi dhe pasagjerët kanë arritur të dalin nga makina në kohë, pa pësuar lëndime.

Zjarrfikësit mbërritën në vendngjarje dhe kanë bërë të mundur fikjen e flakëve, megjithatë mjeti është djegur plotësisht. Policia ka mbërritur gjithashtu në vendin e ngjarjes dhe po heton për të zbardhur shkaqet e sakta të incidentit.