Një shqiptar, Elmas Vreka, 21 vjeç, është burgosur pasi u gjet në një makinë me 15 kg kanabis. Vreka mbërriti në Britaninë e Madhe me një varkë të vogël dhe u arrestua teksa ishte në një BMW të bardhë, e cila ishte ndaluar në një garazh në Thetford. Policët e zbuluan shqiptarin pas erës së fortë të kanabisit që vinte nga brenda makinës.

Ai pranoi akuzat për posedim me qëllim të furnizimit me kanabis dhe u dënua me tetë javë burg nga Gjykata e Norwich. Gjyqtarja Katharine Moore theksoi se droga ishte “me cilësi shumë të ulët.”

Përveç kësaj, Vreka mund të përballet me akuza të tjera në lidhje me një serë kanabisi të gjetur në Norwich, ku u gjetën 55 bimë më herët gjatë këtij viti. Gjithashtu, ai iu ndalua të drejtonte makinën për 12 muaj për shkak se ishte i skualifikuar.