Teologu Elvis Naçi, në një intervistë për Grida Dumën në emisionin Top Story, ka diskutuar mbi thashethemet se ai mund të kandidojë si kryebashkiak i Tiranës. Ai theksoi se disa persona, të cilët ai i njeh, përpiqeshin ta ngatërronin me politikën, duke shpresuar se do të krijonin një perceptim të tillë.

Naçi shprehet: “Deshëm të më ngatërrojnë mua me politikën njerëz që zot na ruaj çonin informacione me qëllim që politika ta shikonte sikur kisha një perspektivë për politikë. Mbrapa i mora vesh, unë u çudita; ishin njerëz që edhe i njihja. Bëheshin 4-5 vetë, dhe nëse vijnë mesazhet fillon i beson. Kam folur vetë me atë që e drejton, dhe ne qeshnim se unë nuk kam lidhje me të. Pasionin tim të jetës e kam teologjinë, dhe e dyta është bamirësia.”

Këto komente tregojnë qartë se Naçi është i fokusuar në fushat e tij të interesit dhe nuk ka plane për t’u angazhuar në politikë, pavarësisht spekulimeve.