Reperi i njohur Stresi mbetet në arrati pas përfshirjes në një zënkë të dhunshme në Pejë, ngjarje që ka shkaktuar pasoja serioze. Sot, Stresi ka reaguar përsëri duke bërë një kërcënim publik ndaj Med Isenit, personit që u sulmua gjatë këtij incidenti, ku, sipas raportimeve, reperi ishte i përfshirë.

Në një postim në rrjetet sociale, Stresi ka publikuar një foto të Med Isenit nga spitali dhe ka bërë një deklaratë kërcënuese, duke paralajmëruar një përballje personale në të ardhmen. Ai shkroi:

“Mirdita Prokurori i Pejës: Unë jam Medi Iseni, siç e shihni, jam rrahur si qeni nga disa persona. Mirëpo, kam filluar përsëri t’i shaj njerëzit në TikTok. Unë s’të kam prekur me dorë, por herën tjetër s’ka nevojë prokuroria të më kërkojë, se do jem vetëm unë, pasha Zotin e madh.”

Ky incident ka pasur ndikim edhe mbi reperin Noizy, i cili, për dallim nga Stresi, ka zgjedhur ta trajtojë çështjen në përputhje me ligjin. Ndërkohë, vendndodhja e Stresit mbetet e paqartë.