Një ngjarje e rëndë ka tronditur qytetin e Sarandës sot, ku një fëmijë 3-vjeçar është goditur aksidentalisht nga automjeti i drejtuar nga babai i tij. Pas aksidentit, fëmija u dërgua menjëherë në Spitalin e Sarandës për të marrë ndihmën e parë mjekësore.

Për shkak të gjendjes së tij kritike, ekipet mjekësore vendosën ta transportojnë me helikopter drejt Tiranës për trajtim të specializuar, pasi gjendja e tij shëndetësore u konsiderua e rënduar.

Ende nuk janë bërë publike detajet e plota mbi rrethanat e aksidentit, ndërsa policia ka nisur hetimet për të zbardhur ngjarjen dhe për të kuptuar sesi ka ndodhur incidenti tragjik.