Pas tensioneve dhe kaosit që ndodhi në Kuvend, deputeti demokrat Gazment Bardhi, në një prononcim për mediat, theksoi se ata po protestonin duke djegur karriget e tyre për të shprehur pakënaqësinë ndaj situatës aktuale. Ai theksoi se qëllimi i tyre nuk është mbrojtja e karrigeve personale, por për të mbrojtur interesin publik.
“Karriget tona janë të qytetarëve. Ne po djegim karriget tona, sepse jemi këtu për të mbrojtur interesin publik. Salianji denoncoi lidhjet e Fatmir Xhafajt me krimin. Edi Rama ka djegur parlamentin,” tha Bardhi.
Ai shtoi se opozita nuk ka djegur mandatet e saj dhe se nuk do të shmanget nga beteja politike. “Ne nuk shmangemi nga beteja, do na kenë përballë në çdo moment,” përfundoi ai, duke theksuar vendosmërinë e opozitës për të vazhduar protestat dhe qëndresën ndaj maxhorancës.
