Pas propozimit të ministrit të Brendshëm, Ervin Hoxha, për emërimin e Ilir Prodës në postin e Drejtorit të Përgjithshëm të Policisë së Shtetit, opozita ka reaguar ashpër. Nga studioja e lajmeve, deputeti i Partisë Demokratike, Edi Paloka, shprehu dyshime të forta mbi këtë emërim, duke e cilësuar Prodën si një “lidhje mafioze”.

Paloka theksoi se nuk e njeh personalisht Prodën, por shprehu shqetësimin se emërimi i tij është pjesë e një strategjie më të gjerë të kryeministrit Edi Rama për zgjedhjet e 2025. Ai theksoi se në Elbasan, një qark ku sipas tij mafia vepron lirshëm, ky emërim mund të ndikojë në rritjen e ndikimit të krimit të organizuar në strukturat e policisë.

“Çdo lëvizje që bën Rama tani është në funksion të zgjedhjeve të 2025. Elbasani është një qark ku mafia bën çfarë i do qejfi. Ky e paska kaluar drejtimin në këtë aspekt dhe kaq i duhet të drejtohet,” përfundoi Paloka, duke bërë thirrje për një reflektim serioz mbi emërimet në institucione kyçe të rendit dhe sigurisë.