Aktorja e humorit Esmeralda Metka, e njohur si Cubi, ka shkaktuar reagime me një deklaratë gjatë një interviste në “Top Albania Radio”. Gjatë bisedës me Salsano Rrapin dhe Elona Duron, Cubi u pyet nëse do të kishte dëshiruar të ishte pjesë e moderimit të emisionit të humorit “Portokalli”, i cili pritet të nisë më 6 tetor.

Aktorja e njohur e humorit u shpreh me një shaka që i ka “habitur” të gjithë, duke thënë se do të kishte dashur të ishte prezantuese e “Portokallisë”, por sipas saj, moderimin ia ka marrë Kiara Tito. Në një pjesë të intervistës, Cubi tha:

Salsano: “Do doje të ishe prezantuese e Portokallisë?”

Cubi: “Sigurisht që po! Por ma morën, ma morën në moment të fundit.”

Elona Duro: “Kush ta ka marrë, Nevina apo Kiara?”

Cubi: “Kiara, kjo e reja.” (qesh).

Aktorja shtoi se e kishte shfaqur këtë dëshirë në mënyrë jo formale, duke bërë shaka që e kishte thënë “në ëndrrat e saj”, por askush nuk e kishte dëgjuar. Kjo deklaratë, megjithëse e thënë me humor, ka ngjallur interes tek publiku. Cubi është një figurë shumë e dashur në spektaklet e humorit, dhe për të, moderimi i “Portokalli” do të kishte qenë një mundësi e madhe.

Ndërkohë, sezoni i ri i “Portokalli” do të fillojë më 6 tetor, me Kiara Titon në rolin e moderatores, një vendim që ka ngjallur diskutime dhe pritshmëri nga fansat e programit.