Ushtria izraelite ka njoftuar se një komandant skuadre është vrarë gjatë luftimeve në Liban. Kapiteni Eitan Itzhak Oster, 22 vjeç, i cili shërbente si komandant skuadre në njësinë elite “Egoz”, humbi jetën gjatë përleshjeve, sipas deklaratës së Forcave të Mbrojtjes të Izraelit (IDF).

Kjo vdekje është e para e konfirmuar nga Izraeli brenda territorit të Libanit, pas raportimeve nga Hezbollahu për përleshje në qytetet kufitare.

Ndërkohë, ‘Sky News’ raporton se një ushtar libanez është plagosur në një sulm izraelit me dron në jug të Libanit, duke shtuar tensionet e vazhdueshme në zonën kufitare.