Policia ka identifikuar dhe arrestuar autorin e aksidentit tragjik që shkaktoi vdekjen e 40-vjeçarit Florant Palla mbrëmjen e djeshme, në rrugën “Korçë-Pogradec”. I arrestuari është 38-vjeçari G.C, banues në fshatin Gështenjas të Pogradecit.

Pas një hetimi intensiv dhe kontrolleve të territorit përreth vendit të aksidentit, policia arriti të lokalizojë automjetin tip “VolksWagen” të përfshirë në ngjarje, falë përdorimit të dronit dhe dylbive. Automjeti i G.C. kishte pësuar dëme të mëdha, veçanërisht në xhamin e përparmë, duke konfirmuar përfshirjen e tij në aksidentin fatal.

Autoritetet po vijojnë hetimet për të sqaruar rrethanat e plota të ngjarjes.