Këngëtarja Baby G dhe Dijonis Biba kanë pasur një marrëdhënie të mirë gjatë qëndrimit të tyre në emisionin “Ferma VIP”. Ndjekësit kanë qenë kuriozë nëse raportet e tyre kanë vazhduar edhe pas përfundimit të emisionit.
Në një “Ask me a Question” të publikuar në “Instagram”-in e saj, Baby G është pyetur nga një ndjekës nëse ka ende kontakt me Dijonisin. Pa hezitim, ajo konfirmoi se ata mbajnë një raport të ngushtë, duke u shprehur: “Po, ai është gangsteri im (my G).” Kjo përgjigje ka treguar se miqësia e tyre ka mbetur e fortë edhe jashtë fermës.
