Kryedemokrati Sali Berisha ka publikuar këngën që do të shoqërojë protestën e 7 tetorit, organizuar nga opozita e bashkuar. Kënga përmban një riinterpretim muzikor të poezisë së famshme “Maskarenjtë” të poetit Ali Asllani. Përmes një postimi në rrjetet sociale, Berisha e shoqëroi videon me mbishkrimin: “Maskarenjtë e Shqipërisë”, duke e lidhur drejtpërdrejt me mesazhet politike të protestës së planifikuar.

Opozita e bashkuar pritet të zhvillojë këtë protestë në Tiranë, e cila sipas tyre do të jetë ndryshe nga çdo protestë e mëparshme, si reagim ndaj shkeljeve të Kushtetutës dhe burgosjes së paligjshme të liderëve të opozitës, përfshirë liderin e PD-së dhe nënkryetarin e grupit parlamentar. Protesta synon të denoncojë veprimet e qeverisë dhe të kërkojë drejtësi dhe liri politike në vend.