Të tjera detaje janë zbardhur në lidhje me zjarrin që përfshiu pak pas mesnatës një azil privat në Tiranë. Sipas burimeve, zjarri shpërtheu për shkak të një kondicioneri, duke përfshirë disa nga dhomat ku ndodheshin të moshuarit dhe duke i lënë ata të bllokuar për disa minuta.

Flakët u shfaqën në azilin e vendosur në rrugën “Ali Visha”, ku të moshuarit ngelën të bllokuar deri në momentin kur policia, forcat “Shqiponja” dhe zjarrfikëset ndërhynë për t’i evakuuar. Pas arritjes së ekipeve të emergjencës, flakët u shuan dhe situata u stabilizua.

Katër të moshuar u dërguan në spital për të marrë ndihmë mjekësore, por fatmirësisht ata janë jashtë rrezikut për jetën. Sipas pamjeve, zjarri ka shkaktuar dëme në disa dhoma të azilit, duke theksuar nevojën për një hetim të plotë mbi shkakun e tij dhe masat e sigurisë në këto institucione.