Një ngjarje tragjike ka ndodhur në Vlorë, ku një foshnje 5-ditëshe ka ndërruar jetë, e cila dyshohet se është viktimë e mjekimit të pakujdesshëm. Sipas autoriteteve, ngjarja ka ndodhur më 4 tetor 2024.

Policia e Vlorës ka nisur hetimet për mjeken me inicialet I.C., 53 vjeçe, e cila punon si neonatologe në Maternitetin e Spitalit Rajonal të Vlorës. Ajo akuzohet për “mjekim të pakujdesshëm” në lidhje me vdekjen e foshnjës, e cila ishte lindur nga shtetasja S.H.

“Komisariati i Policisë Vlorë referoi materialet në Prokurori dhe nisi procedimin penal për shtetasen I.C., banuese në Vlorë. Vijon puna nën drejtimin e Prokurorisë për zbardhjen dhe dokumentimin e plotë të shkakut të vdekjes së foshnjës dhe për përcaktimin e përgjegjësive ligjore,” njofton policia. Hetimet janë në vazhdim për të sqaruar rrethanat e ngjarjes dhe përgjegjësitë përkatëse.