Stuhitë dhe reshjet e dendura të shiut kanë përfshirë edhe Kroacinë, duke shkaktuar përmbytje të shumta në disa pjesë të bregdetit dalmat. Rrugët janë mbushur me ujë, dhe ekipet e zjarrfikësve dhe emergjencave janë thirrur për të kryer operacione të shumta. Ata po punojnë për pastrimin e rrugëve nga pemët e rrëzuara dhe për të larguar ujin nga bodrumet dhe qilarët e përmbytur të ndërtesave.

Lumenjtë Kupa dhe Sava kanë dalë nga shtrati për shkak të reshjeve të pandërprera, duke rrezikuar përmbytje në zonat përreth. Masat emergjente janë ndërmarrë edhe në pjesë të tjera të vendit, për të përballuar situatën e rënduar.

Ndërkohë, Bosnja ka përjetuar gjithashtu reshje të dendura gjatë kësaj jave, të cilat kanë shkaktuar përmbytje masive dhe dëme të shumta.