Një 19-vjeçar është arrestuar pasi aksidentoi për vdekje një këmbësor ditën e djeshme në rrugën dytësore të fshatrave Kurdari-Suç në Dibër. Sipas njoftimit të Policisë, i riu me inicialet E.S., banues në fshatin Kurdari, drejtonte një automjet tip “Benz” kur goditi fatalisht një 42-vjeçar këmbësor.

Pas aksidentit, Sektori i Policisë Rrugore ndërhyri duke arrestuar në flagrancë të riun. Materialet procedurale lidhur me këtë ngjarje janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm në Dibër për veprime të mëtejshme ligjore.