Anxhela Peristeri ka realizuar një performancë të magjishme mbrëmjen finale të “Eurovision 2021”. Kënga e saj “Karma” ka marrë ovacionet e tepërta të publikut të pranishëm, si dhe vlerësime nga producentë mjaft të njohur në botë.
Performanca e saj mund të përmblidhet me dy fjalë: Energjike dhe perfekte.
Këngëtarja dukej shumë e bukur me veshjen e saj që tërheq jo pak vëmendjen, ndërsa me vokalin perfekt, gjatë performancës i bëri të gjithë të ngrihen në këmbë.
Me paraqitjen ku çdo gjë ishte në nivel, nga zëri tek imazhi, Anxhela elektrizoi skenën e madhe dhe fitoi duartrokitjet e ngrohta të spektatorëve.
Pas performancës, Peristeri, ka thënë disa fjalë për “Euovision”.
Ajo është shprehur mjaft e lumtur, por njëkohësisht, ndihet e mërzitur që nesër e gjithë kjo do të mbarojë, e ajo, nuk do të ketë mundësinë të përjetoj sërish emocionet që të dhuron ky festival.
“Jam shumë e lumtur. Ndihem e mërzitur që nesër nuk do të jem më duke performuar në këtë skenë të mrekullueshme. Do ta mbaj mend gjithë jetën time“, u shpreh këngëtarja.
Këngëtarja arriti të fitojë çmimin e parë për veshjen më të mirë në tapetin turkez, në të cilin u shfaq me një fustan të kuq mjaft seksi, të dizejnuar nga Valdrin Sahiti.
